ألبوم زاب ثروت 2018 كلمات ألبوم المدينة "طارق الشيخ - حمزة نمرة - كايروكي - محمود العسيلي "

ألبوم زاب ثروت 2018  كلمات ألبوم المدينة "طارق الشيخ - حمزة نمرة - كايروكي - محمود العسيلي "

    طرح اليوم النجم المعروف زاب ثروت اليوم ألبوم المدينة الذي يضم نجوم كثيرة ويضم ثمانية مغنيين وأبرزهم طارق الشيخ - حمزة نمرة - كايروكي - محمود العسيلي والجدير بالذكر أن ألبوم المدينة كان من المفترض أن يتم طرحة منذ بداية العام إلا أن قرر زاب أن يقوم بتأجيل طرحة وقرر أن يطرحة اليوم عبر قناتة علي اليوتيوب .

    ألبوم المدينة الذي يضم 8 من أبرز الفنانين في الأندر جراوند مثل طارق الشيخ - حمزة نمرة - كايروكي - محمود العسيلي - ساري هاني - هاني الدقاق ويضم الألبوم ثمانية أغاني وجميعهم أغاني مشتركة بين زاب وبين النجوم التي تم ذكرها في الاعلي .

    ويكشف ألبوم المدينة الذي أعلن زاب عنه عبر حسابة علي موقع التواصل الإجتماعي فيس بوك اليوم حياة زاب والإنعكاسات واليأس الذي تعرض له والخوف والعنف والصدام والحب والسعاد ويناقش الألبوم مشاكل عديد تعرض لها زاب وايضا الشباب المصري .

    أغاني البوم المدينة لزاب ثروت 2018

    1- عنوانى.
    2- إحنا جيل وانتو جيل.
    3- قلب مات.
    4- انا بطل حياتى.
    5- حرية.
    6- الهندسة.
    7- ناس.
    8- المدينة.

    كلمات أغنية الدنيا طارق الشيخ وزاب ثروت :

    الدنيا شلة من الصحاب وفيها كتير اشكال
    اللي ناسي دين و واجب واللي فاكر ايه يتقال
    واللي خايف غدر غيره
    واللي لغدر غيره صاحب
    واللي بايع باع الغالي
    ودايما للرخيص مصاحب


    الدنيا شلة من الصحاب وفيها كتير اشكال
    اللي ناسي دين وواجب واللي فاكر ايه يتقال
    واللي خايف غدر غيره واللي لغدر غيره صاحب
    واللي باع الغالي دايما بس للرخيص مصاحب
    وصاحبنا عايش وسط غابة لازم يتقلب زيهم
    لو فضل للحق غالب للاسف حيكون ضدهم
    فالتزم بنص دوره قرر انه يعيش وسطهم
    باع للدنيا عقد روحه والتزم وبقي منهم

    ده الجعان بيزيد و يكوش
    وفي خلق الله بيلوش
    و ينسي انه عايش عمره
    للرخيص محوش

    ده الجعان بيزيد و يكوش
    وفي خلق الله بيلوش
    و ينسي انه عايش عمره
    للرخيص محوش

    خد النصيحة وعقلك ميزانك في المحاولة
    ياما شباب في سنك مال وجاه وسيط ودولة
    غدرت الدنيا بيهم طفت في نور عنيهم
    علشان في يوم صدقوا وعد كان من الدنيا لهم
    فاحمينا يا كريم من سوء العمر والنهاية
    واحمينا من سواد عقولنا لو وسيلة لاعلي غاية
    واحمينا من شر الصحاب الغدارين
    ده الصاحب لو يخون في صاحبه يبقي باقي مين

    ده الجعان بيزيد و يكوش
    وفي خلق الله بيلوش
    و ينسي انه عايش عمره
    للرخيص محوش

    ده الجعان بيزيد و يكوش
    وفي خلق الله بيلوش
    و ينسي انه عايش عمره
    للرخيص محوش

    فأحمينا يا كريم من سوء العمر والنهاية
    واحمينا من سواد عقولنا لو وسيلة لاعلي غاية
    واحمينا من شر الصحاب الغدارين
    ده الصاحب لو يخون في صاحبه يبقي باقي مين


    ده الصاحب لو يخون في صاحبه يبقي باقي مين
    ده الصاحب لو يخون في صاحبه يبقي باقي مين
    ده الصاحب لو يخون في صاحبه يبقي باقي مين
    ده الصاحب لو يخون في صاحبه يبقي باقي مين

    كلمات أغنية المدينة زاب ثروت وكايروكي :

    صباح او مساء الخير حسب توقيت سماعك
    الأغنيه عن كل شخص قابلته فيالمدينه وباعك
    او المدينه نفسها وكل ركن فيها وزاويه
    لكل محطه مترو زحمه او في أخر الخط خاويه
    لكل طفل راح مدرسته اتعلم بقي شاطر
    لكل شاب في جامعه لكل محاضراته حاضر
    ولأحلامهم اللي طارت رغم السهر والتعب
    لكل فرصه اتسرقت لكل حق اتنهب
    لكل فرد وذكري كانوا جزء من المدينه
    اللي لسه بنحبها رغم انها ضحكت علينا
    من بعيد اكيد جمالها راح يسحر عينيك
    مش لوحدك ياما غيرك داقوا سحرها قبليك
    اللي شاف في دروبها حلم وقال في يوم يقدر يطول
    واللي عاش العمر كله في وصفها يقول
    نام في أحلامه الجميله راح يفوق علي زيف وغش
    اللي ساب الريف في بلده وفي المدينه هيبني عش
    المدينه بالف وش بتضحك بس في البراويز
    ياما هدت من الرجال ياما ذلت ميت عزيز
    مش بعيد اكون وحيد في وصفي وكلامي عنك
    ياما غنولك اغاني وياما شهدولك لكنك
    مش جميله رغم ظنك او جمالك مش حقيقي
    مش عميقه رغم سنك لو قارنتي سني بيكي
    او يمكن انا مش لاقيكي فى وسط الزحمه والمساكن
    او يمكن انا مش هاويكي مع اني فيكي ساكن

    بكفياكم غش فينا
    اظهروا حقيقة المدينه
    بكفياكم غش فينا
    اظهروا حقيقة المدينه

    مسجون في قلب أحلام الناس البسيطه الطيبين
    اللي أيامهم تعيسه الليأحزانهم سنين
    والغريبه مصدقين ان بكره مسيره جاي
    ان شمسك يوم هتشرق راح تنور كل حي
    بس أي حي فيهم راح تزور الشمس ارضه
    اللي فكل متر عيله ولا اللي بجنينه اللي بعده
    انزل لف في الشوارع صور الحقيقه بعنيك
    بالحقيقه مش قصدي صوره لشيخ عجوز صعبان عليك
    يطبعوا صورته في مجله وينسبوا الفضل ليك
    يكتبوا مقال طويل ويقولوا فيه ده قال وفضفض
    والحقيقه انه ساكت بس عنيه فضلت تعيط
    قالوا دي دموع الفرح والرضا والانبساط
    والحقيقه ابتسامته بتسخر منكوا وفي سكات
    مش كفايه علينا كذب كفايه تأليف قصص
    زي صور العيال اللي هربت من الحصص
    مش عشان يلعب يزوغ لا هيروح الشغل بدري
    اللي نجار واللي يجري يوصل للبيوت حاجات
    واللي كفران بالساعات اللي كفران بالساعات
    وبيسألوا هوا ليه الطفل جوا الطفل مات
    او أمل اللي كانت بنت حلوه صغيره
    نفسها تكبر تكونانسانه ومتقدره
    بس الناس شايفاها لحمه شايفه وسط وجوز عينين
    اللي سليطاللسان واللي كلامه بالايدين
    وبيسألوا مين السبب السبب في الكدابين

    بكفياكم غش فينا
    اظهروا حقيقة المدينه
    بكفياكم غش فينا
    اظهروا حقيقة المدينه

    بكفياكم غش فينا اظهروا حقيقه المدينه
    اللئيمه اللي علي أحلام ولادها ما كانت امينه
    قالوا من الحب اللي يقتل لما يطول قلبي وعقلي
    وانتي قتلتيني بسهوله زي ماقتلتي اللي قبلي
    ---
    غناء الراب: زاب ثروت
    غناء الكورس: انجي نظيف
    منتج موسيقي: ساري هاني
    مهندس التسجيل: مروان عقل - عبدالله ممدوح
    مكساج موسيقي: ساري هاني - مروان عقل
    اوديو ماسترينج: هادز
    اشراف علي الأنتاج الموسيقي: انجي نظيف
    khaled montash
    @مرسلة بواسطة
    كاتب ومحرر اخبار اعمل في موقع أخبار حصرية .

    إرسال تعليق