نسخة أصلية || كلمات أغنية متهمش 2018 الجوكر - أغنية متهمش لجوكر

نسخة أصلية || كلمات أغنية متهمش 2018 الجوكر - أغنية متهمش لجوكر

    كلمات أغنية متهمش 2018 الجوكر قام اليوم نجم الراب الكبير أحمد ناصر المشهور بالجوكر بطرح أحدث أعمالة اليوم وتحمل عنوان متهمش وحققت أكثر من نصف مليون مشاهدة في أقل من 9 ساعات ويعتبر هذا رقم كبير بنسبة لجوكر والجدير بالذكر ان أحمد ناصر لدية العديد من الأغاني التي حققت نجاح كبير وأصبح نجم الراب الأول في مصر حاليا .

    وهذه الأغنية التي طرحها اليوم أحمد ناصر الشهير بالجوكر "متهمش" ليست هذه هي المرة الأولى التي يتحدث فيها الجوكر عن قضايا الشباب وعلاقة الدين بالدُنيا من وجهة نظره هو ولكنها المرة الأقوى، فأغنية إنقصام حاد الجُزء الثاني تأتِ مُكملة لأغاني شهيرة أخرى تحدثت عن نفس الفكرة مثل أغنية السلمة الأخيرة، وقرصة تانية، ولكن هذه المرة بشكل أكثر عُمقًا، فالأغنية تتحدث عن مُعاندة الحياة لبعض الأشخاص، والذين يتخذون من هذا العند طريقًا للإلحاد، وفي هذه الأغنية يواجه أحمد ناصر “الجوكر” هذا الفِكر بشدة ويَرُد عليه بطريقته “الراب”.

    والجدير بالذكر ان أخر أعمال أحمد ناصر "الجوكر" التي طرحها بعنوان "كنتي" تصدرت قائمة الـTOP TRACKS فى مصر وهى الأغنية التى حققت مشاهدات وصلت لأكثر من مليون مشاهدة فور طرحها وحققت نجاح كبير خلال فترة طرحها علي موقع المشاهدات العالمي يوتيوب.

    كــلــمــات أغنية متهمش 2018 الجوكر :

    المنبه رن ، لكن الهدف من الصحيان سخيف
    تكملة النوم مش إختيار ... المستقبل مخيف
    مفيش جنب بترتاح عليه عشان سريرك حجر
    مشيت ورا كل خيط ، وإنجازاتك ... رف بكر

    حتى القهوة بتستناك تسرح للحظه عشان تفور
    الطفل اللي خاف م الضلمة كبر بقى يخاف م النور
    أول ما بتبقى إنفراد ، وباقي بس تشوط
    بتبدأ تسأل نفسك عن حقيقة الوجود

    الفرق بين العبقرية والجنون بهتان
    أكيد النص الفاضي أنضف من نصي المليان
    عشان فشلت في التعايش .. جيت جهنم الإنتقام
    قسوة العلامة إنها بتمنع رحمة النسيان

    خلي نصك يسأل نصك عاد علينا ايه من جريه؟
    مادام بنعيش نفس النهاية في آخر السيناريو
    وليه بنكون أشخاص مش احنا طول ما الضوء علينا
    آدي تاني منبه رن لا مننا نمنا ، ولا صحينا

    مفيش شىء متمش ، وكإن غيابك متمش
    كل الناس جراحها لمت ، جرحك ليه ملمش؟
    بعيد عشان متهمش؟ ، ولا عشان بعيد متهمش؟
    عنيك فضيت فضا جماد .. مكرهش ، ومحبش

    ولد صغير .. حلم كبير ، ولما كبر الحلم مات
    عجيب ضعف البشر ، وعجيبة قوة الكلمات
    كلنا أسباب .. ده صاب عشان ده خاب
    بس طول ما البشر سلالم إعرف إن اللي فوق كلاب

    ملحقناش نشوف النور ... وصلنا والشعاع مكسور
    سيبنا الأرض لأجل بذور ... رجعنا لقينا الأرض بور
    والأوضاع متحسنتش ، لكن مبقيتش صاحب قضية
    مضيت على إن مستقبلي مش أحسن من ماضيا

    أسيب الجامع أقلع القفطان ... ألبس قبطان
    أسوق سفينة .. تغرق .. أرقص رقصة القرصان
    بطريقة غير مباشرة الدنيا قالتلي أقف بعيد
    لما كل شىء قربت منه مات ببطئ شديد

    هعمل ايه في قفص بجناح؟ .. سؤال ايه اللي انا جوابه؟
    تملي في إيدي في مفتاح معرفش بابه
    مقدرش أختار ما بينكوا ، وأخسر نعمة المحايد
    حب واحدة ميتنسيش بواحدة ... يتنسي بوحايد

    مفيش شىء متمش ، وكإن غيابك متمش
    كل الناس جراحها لمت ، جرحك ليه ملمش؟
    بعيد عشان متهمش؟ ، ولا عشان بعيد متهمش؟
    عنيك فضيت فضا جماد .. مكرهش ، ومحبش

    نفس المطعم ، والأوردر .. متخاطرش دقيقة
    طعم الملل أحلى من خسارة جديدة
    رص مزيد من لا شىء ... مزيج من الحمول عليك
    بص .. عمرك من قدامنا عدى .. نسيك ده ولا ايه؟

    بتعمل مش مهتم ، ولا مش مهتم فعلا؟
    ضد أو مع الغريزة لما الموجة تعلى؟
    الأقوى دايما صح ، والأضعف مقالش أشمعنى
    مهو لو كل واحد طلب حقه .. الدنيا مش هتسيعنا

    قريتنا وش فقر ، وناسها وش خوف وجهل
    البنا ما بينهم صعب ، بس الهد بيهم سهل
    متقولش زي العامة إن الفشل محتاج شماعة
    نار القلق تحرق كيلو نيكوتين في ساعة

    كل عيون كلاب حارتنا مفارقتكش لحظة
    مخالش عليهم إنسحابك قبل كل رقصة
    عيب المبدأ إنه فضحي ، والذكاء له ريحة
    مهما دبحت نفسك مش هتبان دبيحة

    مفيش شىء متمش ، وكإن غيابك متمش
    كل الناس جراحها لمت ، جرحك ليه ملمش؟
    بعيد عشان متهمش؟ ، ولا عشان بعيد متهمش؟
    عنيك فضيت فضا جماد .. مكرهش ، ومحبش
    montash khaled
    @مرسلة بواسطة
    كاتب ومحرر اخبار اعمل في موقع أخبار حصرية .

    إرسال تعليق